Vushtrria luan ndeshjen me të rëndësishme të sezonit në edicionin 2024/25, ku do të përballet me Llapin për inkuadrim në Superligë.

Ndeshja e barazhit mes këtyre dy skuadrave luhet të shtunën në stadiumin “Fadil Vokrri” të kryeqytetit, me fillim nga ora 16:00, shkruan Arbresh.info.

Interesim për këtë sfidë i jashtëzakonshëm sidomos nga ana e tifozëve të Vushtrrisë.

“Forca” është mobilizuar fuqishëm për këtë sfidë që të jetë pran skuadrës së zemrës ditën e shtunë.

Disa ditë më parë, FFK ka vendosur në shitje biletat për këtë sfidë dhe tifozët nga Vushtrria do ta kenë vendin në sektorin e veriut.

Tashmë biletat për sektorin verior janë shumica të shitura dhe pritet një atmosferë e jashtëzakonshme nga “Forca”.

Ata udhëtuan në numër masiv edhe të shtunën e kaluar në Klinë, ku skuadra e tyre fitoi ndeshjen e barazhit të Ligës së Parë ndaj Lirisë me rezultat 3-1.

Fitues i ndeshjes Vushtrria – Llapi siguron pjesëmarrjen në elitën e futbollit kosovar për sezonin 2025/26./Arbresh.info